BNI Aukera Debagoiena taldeak lau urte bete ditu. Askotariko enpresak batzen dituen lantaldea barikuetan elkartzen da Arrasateko Garaia parke teknologikoan. Gaur egun hogeita lau partaide ditu, eta hasieran moduan erreferentziak elkarbanatzea eta negozio aukerak sortzea dituzte helburu.
Taldeko kide eta Txapime enpresako arduradun Mikel Loitik datu eguneratuak ere eman ditu. Sorreratik 2.600 erreferentzia eta 3.086.000 euroko fakturazioa erregistratu dituzte. 2021ari dagokionean, 617 erreferentzia eta 780.000 euroko fakturazioa lortu dituzte oraingoz. 30 laguneko lantaldea osatzea dute helburu. Ateak zabalik dituztela jakinarazi du Loitik.
BNI Aukera Debagoiena taldearekin harremanetan jartzeko kontaktua honakoa da: bniaukera@gmail.com
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
