Bigarren zatian markagailua iraulita, Mondrarentzat Ibarrako derbia (1-3)

UDA eta Mondra aritu ziren nor baino nor gehiago mukuru bete zen Ibarran. Partidu lehiatua izan zen, joan-etorrikoa, eta bi taldeek izan zituzten gol aukera ugari. Zaitegiren gol bati esker etxekoek aldageletarako bidea aurretik egin arren (1-0), estutzen hasi zen Mondra atsedenaren ostean, eta 15 minutuan markagailua irauli zuen Iñigo Arizmendiarrieta, Iker Perez eta Josu Arizmendiarrietaren gol banarekin. Ahalegindu zen UDA azken minutuetan, baina ezin; Arrasatera joan ziren hiru puntuak (1-3).