Aramaion, esaterako, kantuan egitera atera dira kalera eguneko zentroko nagusiak Alaiak erretiratuen taldearekin batera. Aramaioko kantuez gain, egunari zuzenean lotutako beste kantu pare bat aukeratu dituzte, propio, ekitaldi honetarako; Haurrak ikas zazue eta Guk euskaraz kantuak, esaterako. Herriko ikastetxean elkartu dira eta hango ikasleekin batera egin dute gero kantuan, soinu txikiaren doinuak lagunduta.
Bailarako ikastetxeetan ere antolatu dituzte ekintzak gaurko eguna ospatzeko. Arizmendi ikastolako Olarte guneko ikasle txikiek, esaterako, txistorra mokadutxoa jan dute goiz erdian.
Aretxabaletan, ostera, atzo, ospatu zuten Ixotu euskeria! leloarekin.
