Ia 60 pilotu lehiatu ziren Oztopo Open trialsin txapelketako errubera, harri eta enbor artean

Igandean Aretxabaletako Oztopo Open trialsin txapelketa jokatu zen. Ia 60 pilotu aritu ziren nor baino nor gehiago antolakuntzak atondutako errubera, harri eta enbor artean; bertakoetatik harago, pilotu errioxar, madrildar eta kataluniarrak ere batu ziren lehiara. Pozik gelditu ziren antolatzaileak ekimenak izandako harrerarekin: "Dimentsio honetako ekintza batek aurrera egiteko bultzada ematen digu". Hona Harmailatik saiorako egindako erreportajea.