Hedoi Etxarte: "Euskaraz eta euskaratik soilik, gureak egin du"

Poeta, liburu saltzailea, biolin jotzailea, iritzi emailea, zutabeetan aipu gehien sartzen dituen euskal zutabegilea. Bederatzi urte kosta zaio bere hirugarren poema liburua dena, Sortaldekoak, lehena balitz bezala idatzi ahal izateko ahotsa topatzea. Boz konplexuagoa da, bizipen intimoetatik abiaturik sentimendu unibertsalak azaltzen dituena. Hemen ikusgai Ttap aldizkarirako Juan Kruz Lakastarekin izandako solasaldia.