Nora eta Spirit pelikulak dira Arrasateko Amaia antzokian programatuko direnak. Oñatin, aldiz, A todo tren. Destino Asturias eta Maia erlea.
Debagoieneko ia herri guztietan daude zinema aretoak, baina asteroko maiztasunarekin Arrasaten, Oñatin, Bergaran eta Aretxabaletan bakarrik eskaintzen dituzte filmak. Aste batzuetan emanaldi gutxiago egoten dira; izan ere, areto horietan bestelako ekitaldiak ere egiten dira eta zine emanaldien ordutegian eta egutegian eragiten dute.
Asteburuetako helduentzako eta haurrentzako programazioa zirkuitu komertzialeko filmekin osatzen dute.
Asteburu honetan, Oñatiko kultura etxean eta Arrasateko Amaia antzokian hasiko dituzte emanaldiak. Uda partean estreinatu diren pelikulak ikusteko aukera egongo da, Debagoienetik irten barik.
Bergarako Seminarixoan ere egongo da zinema ikusteko aukera. Bada, irailean ez da emanaldirik egongo. Urrian hasiko dira asteburuetako pelikulekin.