Egunotan Veneziako Mostran aurkezten ari diren Heltzear (Mikel Gurrea) film laburreko protagonista da Haizea Oses arrasatearra. Italiako zine jaialdira joaterik ez du izan asteburuan Euskal Selekzioarekin Bartzelonan jokatuko duen txapelketarako entrenatzen ari delako. "Gustura" da emaitzarekin, eta "ilusioz" dago Donostiako Zinemaldian egingo duten filmaren aurkezpenera joateko.
Eskarmentua du eskalatzen. Hamasei urte ditu eta hamar urte zituela hasi zen lehenengo hormak igotzen. Harrezkero, txapelketa askotan hartu du parte. Gustuko ditu erronkak, eta "lotsati samarra dela eta zine kontuetan sekula ibilitakoa ez dela" aitortzen duen arren onartu egin zuen Donostiako zinegileak bere istorioko protagonista, Sara, izateko egin zion proposamena.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.