Bideo konferentzia bidezko aurkezpena izan zen. Eskaintza gora doa poliki-poliki eta horrekin batera matrikula egiten duten ikasleen kopurua.
Ikasleen profila ere aldatzen doa. Gero eta gehiago dira unibertsitateko ikasketak egiteko UNED aukera egiten duten gazteak. Zalantzarik gabe unibertsitateak eskaintzen duen malgutasunak erakarrita.
UNED Bergararen atari digitalean dago ikusgai hurrengo ikasturterako eskaintza. 28 gradu, 11 gradu konbinatu, 78 master eta 19 doktoretza programa dira. Berezko Ikastaroen eskaintza ere zabala da. online Hizkuntza Ikastaroak zein Unibertsitatera Sartzeko Ikastaroak ere nabarmentzekoak dira. Berrikuntzen artean, berriz, bi master daude: Fisika Aurreratuko Masterra eta Artearen Historiako Ikerketa Masterra.
Irailean bigarren aurkezpen ekitaldi bat egingo dute. Matrikula zabalik da urriaren 21era arte.