Osasun sailburuak azaldu duenez, "bideak erraztea" nahi izan du Osasun Sailak, eta orain, osasun txarteleko zenbakiarekin eskatu ahal dira COVID pasaporteak Internet bidez. Bi dokumentu eska daitezke: txertaketa-ziurtagiria eta errekuperazio-ziurtagiria (PCR positiboa izan eta hurrengo 11 eta 180 egun bitartean emango dena).
Bi esteketan klik egin ostean, honako datu hauek bete behar dira:
Osakidetzako txartelaren zenbakia, jaiotze-data eta norberaren lehenengo abizena jarri behar dira dagozkien karratuetan. Ondoren, azpian ageri diren hizkiak idatzi behar dira captcha jartzen duen karratuan. Bukatzeko, egiaztatu telefonoa aukerari eman.
