Gotzone Sagardui Osasun sailburuak azaldu duenez, Euskal Autonomia Erkidegoko herritarrek ekainaren 9an eskuratu ahalko dute Europar Batasunaren Covid Ziurtagiri Digitala. Osakidetzaren webgunean jarriko dute eskaera egiteko esteka, eta sinadura digitalaren bidez eskuratu ahalko da.
Dokumentua uztailaren 1ean sartuko da indarrean, eta Sagarduik esan duenez, ordura arte "informazioa eta ziurtagiria lortzeko prozesua eguneratzen" jardungo dute.
Bestetik, sailburuak esan du Covid Ziurtagiri Digitala Europar Batasuneko herrialde baterako "bidaia erraztea" helburu duen dokumentu zibila dela, eta ez "helburu sanitarioa" duen dokumentua.
