Aretxabaletako pilotariek, esaterako, Hernanikoak izan dituzte atzo aurrez aurre. Jokatutako hiru norgehiagokak galdu zituzten. Juan Mari Errasti prestatzailea triste zen. Argi du aurten sufritzea tokatuko dela.
Pandemia egoerak eragina izan du pilota taldeetan ere. Entrenatzeko debekuek hasieran eta neurri murriztaileak gero eragina izan dute gazteen prestaketa saioetan zein motibazioan. Konfinamenduak ere ez dira gutxi izan. Iaz ez zen txapelketa jokatu. Zailtasunak zailtasun aurtengoa martxan jarri izana modu positiboan baloratzen du Errastik. Hamasei taldek eman dute izena eta konpromisoak eragingo du gazteak frontoira itzultzea.
Arerio garrantzitsuak izan dituzte aste bukaeran Oñatik eta Bergarak ere. Aloña Mendiko jokalariek ere galdu egin dituzte kanporaketako honetako lehen hiru partiduak. Gainetik pasa dira azpeitiarrak. Bergararrek maila hobea erakutsi dute, baina lehen jardunaldiko bi partidutik bakarra irabazita. Hurrengo aste bukaeran jokatuko dituzte lehen kanporaketa honetako itzulerako norgehiagokak.