Herri bakoitzak zapi bat egingo du non hainbat lelo jasoko dituzten. Zapi guztiak martxoaren 6an Irun eta Hendaia artean egingo den amaiera ekitaldian izango dira ikusgai.
Bergaran, esaterako, zapatuan elkartu ziren San Martin plazan zapia josi eta aukeratutako leloa txertatzeko. Mundu Martxak egiten dituen aldarrikapenak jasotzen dituen txostenaren irakurketa kolektiboa ere egin zuten.
Antzerako lanketan dihardute Debagoieneko gainerako herrietan ere, eta zapatuan ikusiko da horren emaitza herriz herri ibiliko den Emakume Mundu Martxaren karabanaren bitartez; izan ere, aldarrikapen horiek zabaltzea eta talde feministak saretzea ere bada helburu nagusietako bat.
