ALBISTEAK

Debagoieneko ESIko osasun langileak hasi dira COVID-19aren aurkako txertoa jasotzen

Hasier Larrea 2021ko urt. 20a, 16:28

Eskualdeko anbulatorioetako langileek bihar eta etzi jasoko dute lehen dosia. Egoitzetan, berriz, bigarren dosia banatzen hasiko dira bihartik aurrera, Eskoriatzako Jose Aranan kasu.

Guztira 108 osasun langilek jasoko dute aste honetan COVID 19aren aurkako txertoa Debagoienean.  Atzo eta gaur artean 84 txertaketa egingo dizkiete Arrasaten kokatuta dagoen Debagoieneko Erakunde Sanitario Integratuko osasun langileei, bihar eta etzi artean txertatuko dituzte, ostera, eskualdeko anbulatorioetako 24 osasun langile. Katy Ajalla medikuak azaldu du nortzuk daukaten bakuna jasotzeko lehentasuna.

Iritsiko diren dosien kantitatea aurreikusita,   Debagoienean lan egiten duten osasun langileen %98ak hiruzpalau astetan lehen txertoa jasoko duela kalkulatu dute Ospitaleko arduradunek. Biztanleriaren inmunitate osoa erdiesteko bidean, hona hemen Conchi Muñoz erizainak txertoa jaso berritan elkarbanatu duen iritzia.

Egoitzetan, bigarren dosiaren bidean

Zahar egoitzetako txertaketa kanpaina, bestalde, ospitaletakoa baino lehenago hasi zuten; Eskoriatzako Jose Arana egoitzan, esaterako, abenduaren 31n. Bihar beteko dira hiru aste bertan lehen dosia jaso zutenetik, bigarren dosia jasotzen hasiko dira beraz. Debagoieneko gainontzeko egoitzetan ere "antzeko erritmoa" daramatela aipatu du Ajalla medikuak.

Osasun langileek argi daukate COVID-19ari aurre egiteko tresnarik eraginkorrena txertoa dela, eta baikor azaldu dira txertaketa kanpainan finkatutako datak betetzen ari direlako.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak