Herriei dagokienean ere, denetan egin du egoerak hobera, Antzuolako eta Aramaioko gora-behera txiki batzuk salbuetsita. Irakurketa bestelakoa da, ordea, alderaketa iazko datuekin eginez gero: iazko azaroan baino 358 langabe gehiago erregistratu dira aurtengoan Debagoienean; puntu bat pasa goitik dago egungo tasa.
| Herriak | Langabeak | Langabezia tasa |
| Antzuola | 75 | %6,75 |
| Aramaio | 16 | %2,12 |
| Aretxabaleta | 244 | %7,10 |
| Arrasate | 1.254 | %12,01 |
| Bergara | 558 | %7,72 |
| Elgeta | 37 | %6,41 |
| Eskoriatza | 158 | %7,78 |
| Leintz Gatzaga | 5 | %3,62 |
| Oñati | 399 | %7,34 |
Hego Euskal Herrian ere jaitsi
Langabezia jaitsi egin da Hego Euskal Herrian ere: 171.963 lagun daude erregistratuta orotara, urrian baino 5.416 gutxiago. EAEko hiru lurraldeetan izan da hobekuntza -Araban, batez ere-, ez, ordea, Nafarroan; kasu horretan gora egin du lanik gabe dauden pertsonen kopuruak.
Eusko Jaurlaritzako Enplegu Sailetik positiboki baloratu dituzte Araba, Bizkaia eta Gipuzkoako azaroko datuak, baina tentu handiz hartu beharrekoak direla gehitu dute, pandemiak eragindako ziurgabetasunaren aurrean. Ildo horretatik, kontuan hartu behar dira aldi baterako erregulazioan dauden langileak ere: 14.608, azaroa ixtean.