Juan Pierak, GFAko zuzendari kudeatzaileak, eta Alicia Bouzasek, Wolfratexeko salmenta zuzendariak, sinatutako akordioa gaurtik dago indarrean. GFA izango da Wolfratexen banatzailea, eta hainbat merkatutan sartzen lagunduko dio Bergarako enpresari, EAEko 350 botikarekin baino gehiagorekin egiten duelako lan Gipuzkoako Farmazialarien Banatzaileak.
"Akordio oso garrantzitsua" dela esan du Bouzasek, egunean 600.000 musuko ekoizteko ahalmena dutelako, eta botika euskaldunen hornitzaile izatea "ohorea" dela gaineratu du. GFAko Pierak bere aldetik adierazi du akordio horrek maskaren hornikuntza bermatzen duela "baldintzarik onenetan eta prezio lehiakorrean", eta gainera, "tokiko industria indartu".