Bergarako UNEDen egin dute gaur, zapatua, Itaia emakume sozialisten sareko Deba bailarako taldearen aurkezpena. Itaia, emakumeen antolakunde sozialista, duela bi urte sortu zen, eta gaurkoan Debagoiena eta Debabarrenako taldearen aurkezpena egin dute.
"Emakume langileen problematikari panorama politikoan lekua egitea" da Itaia sarearen asmoa, eta kideek azaldu dutenez, "gaur egungo testuinguru ekonomikoari erreparatuta, emakume langileen zapalkuntza areagotu egin da" atzeraldi ekonomiko gogor honen aurrean.
"Osasun krisialdiak atzeraldi ekonomikoa bizkortzea eragin du eta horrekin, emakume langileen bizi baldintzak ere kaltetu dira", azaldu du Itaia sareko kide Eneritz Arizmendiarrietak.
Deba bailarako taldeak, sare sozialen bidez (Twitter: @itaia_deba eta Instagram: @itaia_debabailara) emango du euren ekintzen berri.
