Honako talde hauek elkartu dira Elosuko gazteluaren bueltan: Arrasateko Zuztarrak Errotuz taldea, Bergarako Nabarraldeko elkartea, Oñatiko Nabarkideak taldea, Eskoriatzako Atxorrotx, Azpeitiko eta Zestoako Napar Zuzterrak eta Azkoitiko Ixaun. Zergatik elkartu diren Elosuko gazteluaren bueltan? Honako hau adierazi dute: "Elosuko gaztelua egon zen leku historiko honetan bildu gara gaur Debagoiena eta Urola bailaretako hainbat herritako lantalde; aurretik ez genuen denok elkar ezagutzen baina iruditzen zaigu denon arteko sare bat antolatzea interesgarria izan daitekeela. Gaurkoa lehen urrats bat da, asmo eta proposamen berrietara irekiak gaude".
