Abuztuan galdutako lanpostu kopurua errekuperatu egin da irailean, baina salbuespen hori alde batera utzita, joera txarrerakoa da martxoaz geroztik: orduan baino 638 pertsona gehiago daude lan barik orain; langabezia tasak bi puntu egin du gora.
Debagoienean gertatu moduan, Hego Euskal Herrian ere egoerak hobera egin du azken hilean, 2.500 langabe gutxiatu zenbatu dituzte; ia 183.000 dira guztira uneotan. Baina kasu horretan ere, nabarmena da COVID-19a lan merkatuan eragiten ari den kaltea: aurtengo iraileko datuak iazko urteko sasoi berekoekin alderatuta, ikus daiteke nola Hego Euskal Herrian ia 40.000 langabe gehiago dauden, Debagoienean bertan 880 lagunekoa da aldea.
Langabeak | Langabezia tasa | |
Antzuola | 83 | %7,47 |
Aramaio | 19 | %2,51 |
Aretxabaleta | 305 | %8,88 |
Arrasate | 1.442 | %13,82 |
Bergara | 700 | %9,69 |
Elgeta | 45 | %7,80 |
Eskoriatza | 196 | %9,65 |
Leintz Gatzaga | 9 | %6,52 |
Oñati | 483 | %8,88 |
Debagoiena | 3.282 | %10,53 |