Abuztuaren 17tik indarrean dagoen osasun larrialdiaren baitan, honako hauek dira Eusko Jaurlaritzak hartutako neurriak:
- Jatetxeetan, parkeetan, kirol guneetan, aisialdiko jardueretan.... Kaleko edozein eremutan hamar pertsona bildu daitezke, gehienez.
- Beilatokietan eta ehorzketatan, gehienez, 30 pertsona egon ahalko dira, espazio ireki zein itxietan eta ehorzketa-segizioetan.
- Gaueko aisialdia itxita egongo da, erabat.
- Tabernak eta jatetxeak 01:00etan itxi beharko dituzte.
- Tabernatan, jatetxeetan eta txokoetan, eserita, 1,5 metroko tartea errespetatu beharko da. Gehienez 60 laguneko edukiera gorde beharko dute, eta bezeroen eserita kontsumitu beharko dute.
- Garraio publikoak ez du zerbitzurik emango 01:30etik aurrera.
- Espazio publikoetan ezingo da erre, bi metroko distantzia gorde ezin denean.
- Garraio publikoa erabiliz, bi ordu baino gutxiagoko bidaia egiten denean, ezingo da ezer jan. Bai, ordea, edan.
- Zahar etxeetan eta eguneko zentroetan pertsona bakarraren bisita jaso ahal izango dute egoiliarrek, egunean, ordubetez gehienez. Baina, "bizitzaren azken fasean" dagoen egoiliarren kasuetan, neurriak arindu egingo dira.