Zapatu eguerdian emango ditu Nekane Murga jarduneko Osasun sailburuak osasun larrialdiaren inguruko xehetasunak. Astelehenean Eusko Jaurlaritzak indarrean jarriko dituen neurri murriztaileen artean garraioari eragingo dion neurria dagoela aurreratu dute zenbait hedabidek. Salvador Illa ministroak iragarri dituen neurrien osagarri izango dira astelehenean Eusko Jaurlaritzak indarrean jarriko omen dituenak.
Bihar, zapatu eguerdian agerraldia egingo dute Nekane Murgak eta Arantxa Tapiak, jarduneko Osasun eta Garapen Ekonomia sailburuek, birusaren hedatzeari aurre egiteko hartuko dituzten neurrien xehetasunak azaltzeko.
Osasun larrialdia ezarriko balitz, Iñigo Urkullu lehendakariak eskumena izango luke herritarren joan-etorriak murrizteko eta jendea bakartzeko.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
