Neurri esanguratsuenak
- Diskotekak eta dantza lekuak itxiko dira.
- Ostalaritzaren sektoreak goizaldeko ordu batean itxi beharko du; era berean 1,5 metroko distantzia mantentzea bermatu beharko da barran eta mahaien artean. Mahaiko 10 lagun gehienez.
- Bi metroko distantzia ezin denean bermatu erretzea debekatuta dago espazio publikoan.
- PCR probak egingo zaizkie osasun arloko langileei lanerako itzultzean. Baita zentroetan sartzen diren egoiliar berriei ere. Zentro hauetara bisitak murriztuko dira.
- Kale edana debekatuta dagoela gogorarazi du eta isunak jarriko dituzte.
- PCR probak egingo zaizkie ere talde zehatzei agerraldiak daudenean: zahar etxeei, ikastetxeei edo kolektiborik zaurgarrienei.
Neurriak zehazteaz gain, hainbat gomendio ere eman ditu Espainiako Osasun ministroak: eskatu du harremanak ahalik eta gehien murriztea, eta jende taldeak hamar pertsona baino gehiagokoak ez izatea. Era berean, tokiko agintariei arlo soziosanitarioan lan egiten duten langileei aldizkako PCR probak egiteko esan die.
EAEko Justizia Auzitegiaren ebazpena
EAEko Auzitegi Nagusiak, ebazpenean, gaueko aisialdirako establezimenduak ixteko ordutegia luzatu du; hala, pubek goizaldeko hirurak arte irekitzeko aukera izango dute, diskotekak, aldiz, goizaldeko bostak arte Espainiako Gobernuak iragarri duen neurri berria BOEn argitaratu arte, behinik behin. Ordutegia zabalduta ere, dantza pistek itxita jarraitu beharko dute. Bestalde, Bizkaiko eta Gipuzkoako ostalaritza elkarteek dagoeneko aurreratu dute Salvador Illak gaueko aisialdiri ezarritako itxieraren aurkako helegitea aurkeztuko dutela.
