Beste bi positibo atzeman dituzte Bergaran

Oihana Elorza Gorostiza 2020ko uzt. 19a, 14:46

Bergara.

Atzoko seiekin batera, dagoeneko zortzi bergararrek eman dute positibo PCR frogatan. Atzo eta gaur, horrelako frogak egin dizkiete hainbat herritarrei baina oraindik emaitzen zain daude. Oraindik ez dute argitu Gipuzkoako beste fokuekin loturarik duten edo ez.

Sei kasu haiekin batera beste bik ere positibo eman dute eta dagoeneko zortzi dira PCR frogatan positibo eman duten bergararrak. "Atzo herritar askok egin zituzten horrelako frogak eta baita gaur ere, baina gaurko goiza lasaiagoa izan da herriko anbulatorioan eta Debagoieneko ospitalean. Hainbat herritar daude emaitzen zain eta oraindik ez dakigu orain arte Gipuzkoan agertu diren beste fokoekin loturarik duten edo ez", azaldu du alkateak, Gorka Artolak.