93 positibo berri Gipuzkoan azken orduetan

Mirari Altube Arrese 2020ko uzt. 19a, 12:54

Osasun Sailak jakitera eman du 5.747 PCR proba egin zirela atzo, zapatua, eta, horietatik, 197 izan zirela positibo: 93 Gipuzkoan, 10 Araban, 92 Bizkaian eta bi Euskaditik kanpo bizi diren herritarrak. Beste datu bat ere eman du: atzo positibo eman zutenen %43, 10 eta 19 urte bitartekoak dira.

Osasun Sailak eta Osakidetzak gogorarazi dute isolamendu-neurriak behar bezala bete behar direla: kutsatuta egonez gero edo kutsatutako baten oso gertukoa izanez gero, arrisku taldeko pertsonekin egotea saihestu behar dela, esaterako. Era berean, azpimarratu dute maskara eramatea derrigorrezkoa dela, eta horrek behar bezala jarrita egon behar duela.

Datu gehiago bihar, astelehena, eguneratuko dituztela adierazi dute, hala nola, udalerrien araberako kasuak eta R0 indizea.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak