29.939 lagunek eman dute botoa Debagoienean; 2016an baino 2.726 pertsona gutxiago joan dira hauteslekuetara. Hala, abstentzioa %40,17koa izan da bailaran; EAEn baino 7 puntu txikiagoa.
2020 vs 2016
Duela lau urteko datuekin alderatuta EH Bilduk zazpi puntu egin du gora eta 1.141 boto gehiago jaso ditu. EAJk 841 boto gutxiago lortu baditu ere, botoen ehunekoa mantendu du, %36,31tik %36,85era igoz. PSE-EEk ere antzerako datuak mantendu ditu, 116 boto gutxiago eskuratu ditu eta 2016ko %7,37tik %7,66ra igo da. Elkarrekin Podemos-IUk aldiz, botoen erdia baino gehiago galdu ditu Debagoienean, eta %12,47tik %5,66ra jaitsi da. PP+C's koalizioak ere nabarmen egin du behera. Aurreko hauteskundeetan PPk 1.090 boto eskuratu zituen eta Ciudadanosek 248; aurten aldiz, 511 besterik ez dituzte lortu bien artean. Equo Berdeak alderdiak 306 boto jaso ditu, Debagoieneko botoen %1,03. Vox aurten lehen aldiz aurkeztu da Gipuzkoan, eta 142 boto eskuratu ditu Debagoienean; %0,48.