Konfinamendua arintzeak euskara maila egiaztatzeko azterketei ere eragin die, eta HABEk hartutako azken erabakiaren arabera, ekainean egingo dira azterketok BECen. B2, C1 eta C2 mailak egiaztatuko dira, eta azterketa-deialdian parte hartu ahal izateko baldintza euskaltegi batean matrikulatuta egotea da, 2019ko ekainaren 1etik aurrera hasitako ikastaro batean.
Izena emateko epea astelehenean ireki zen, eta igandera arte egongo da zabalik euskaltegietako eta Euskal Etxeetako ikasleentzat. Aipatzeko da, aurtengo deialdiak aldaketa nabarmenak dakartzala berekin.
Bestetik, jakinarazpen horrekin batera, AEK eta Udal Euskaltegiek beren arreta-zerbitzua egokitu dute, eta dagoeneko ikasleen zalantza-argitzeak eta izen-emateak presentzialki egiten ari dira. Halere, COVID-19aren krisiak aldaketa ugari eragin ditu euskaltegietan. Hala kontatu digute Oskar Elizburu AEK-ko irakasleak eta Elena San Martin Arrasateko Udal Euskaltegiko irakasleak.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak