Josu Erkoreka Gobernuko bozeramaileak argitu duenez, ikastetxeetarako itzulera hilaren 25era atzeratzea erabaki du Jaurlaritzak. Azaldu duenez, Espainiako Gobernuak ez dio Jaurlaritzari "estaldura juridikorik" eman oraindik, eta berme hori jaso bitartean, ikasleen jarduera presentzialerako itzulera atzeratzea erabaki du. Erkorekak gaineratu du ez dutela hezkuntza komunitatea "zain" eduki nahi: "Eusko Jaurlaritzak, une honetara iritsita eta Espainiako Gobernuak oraindik hartu ez duen erabaki horren zain, ez du hezkuntza komunitatea tentsioan eta zain eduki nahi datozen egunotan".
Bestetik, Erkorekak esandakoaren arabera, 25a bitartean, Hezkuntza Sailak "lanean jarraituko" hezkuntza eremuko eragileekin.
