Bailarako hainbat elkartetan eragin zuzena izan du erabaki horrek: hala, Leintz Arizmendik ohorezko erregional mailatik euskal ligarako saltoa egingo du; eta, Aloña Mendi erreginal preferentetik ohorezko erregionalera igoko da. Aretxabaletako gazteen mailako taldea ere ohorezko mailatik gazteen euskal ligara igoko da.
Igoera gauzatzeko modua amestutakoa izan ez arren, entrenatzaileek pozik hartu dute erabakia. Hurrenez hurren, Leintz Arizmendiko eta Aloña Mendiko entrenatzaileek.
Zelaian amaitu nahiko zuketen liga
Federazioak hartu duen erabakia zaila izan dela uste dute bi taldetako ordezkariek; baina, egoera zein den ikusita, bidezkoa izan dela diote. Liga eten zenean, martxoan, Leintz Arizmendik bigarren sailkatuarekiko zortzi puntuko aldea zuen; eta, Aloña Mendik, aldiz, zazpi puntuko aldea.
Futbol federazioa aurrera begira
Federazioa hurrengo astean hasiko da 2020-2021 denboraldia aztertzen. Hortaz, jokalariek oraindik ez dakite irailean maila berria estreinatzeko moduan egongo diren edo ez. Bestalde, jaitsierarik ez gauzatzeak ere izan du eragina bailaran: hala, Antzuolak erregional preferentean jarraituko du hurrengo denboraldian.