Giro ezegonkorra asteburu osoan

Euskalmeten iragarpenaren arabera, asteburu osoan giro ezegonkorra izango dugu Debagoienean. Gaur, egubakoitza, tenperatura 30 gradura iritsiko bada ere, arratsaldean bero hodeiak izango ditugu eta zaparrada trumoitsuak botako ditu. Bihar, zapatua, giro nahasia izango dugu; izan ere, goizean, zeruan hodei ugari izango dira eta arratsaldean zaparradak botako ditu. Azkenik, domekan, eguraldia erabat aldatuko da eta euria etenik gabe egingo du. Tenperatura gainera, jaitsi egingo da, bizpahiru gradu izango badira ere. (Eguenean jasotako datuetan oinarritutako iragarpena)