Proiektua erronka itzela da bi kooperatibendako. Alde batetik, makinak sortzeko behar larriarengatik; eta beste alde batetik, lau aste dituztelako bakarrik makinak martxan ipintzeko. Mondragon Assemblyk Txinan duen filialean dihardute makinen diseinua eta fabrikazioa lantzen. Guztira, lau makina egingo dituzte.
Makinetako bat Espainiako Gobernuarendako izango da, armadak Burgosen duen farmazia baterako. Beste hirurak Bexen Medicalek Hernanin duen egoitzara eramango dituzte.
Egungo osasun larrialdi egoerak, makinen diseinua, fabrikazioa, logistika eta prest jartzeko lanen koordinazioa asko zaildu duen arren, lau makinak apirilaren 15ean irtengo dira Txinatik.
