Gipuzkoako erdiguneko udalerriei eraginkortasun handiagoz eta azkarrago arreta emateko zabaldu dute zentroa, izan ere, orain arte ingurune horretako erabiltzaileei hiriburuetako zentroetatik ematen zieten arreta. BetiONetik azaldu dutenez, zabaldutako zentro berri honekin "zerbitzu hobea" eman nahi diete Aretxabaleta inguruko erabiltzaileei.
Telefono deiak beste egoitza batetik –Bilbotik, hain zuzen– kudeatzen jarraituko duten arren, materiala eta langileak izango dituzte Aretxabaleko lantokian; era horretan, Aretxabaleta inguruko herrietara "azkarrago" iristea lortuko dutelakoan.
Zentro berri honi esker, inguru horretan telelaguntza zerbitzua "ezagutzera" eman nahi dutela azaldu dute, zerbitzuaren beharra izan dezaketen erabiltzaileen kopurua handitzea helburu: adibidez, bakarrik bizi diren 75 urtetik gorako pertsonak; mendetasun-maila bataitortuta duten 65 urtetik gorako pertsonak; pertsona desgaituak; edota banakako balorazioaren araberako beste kasu batzuk.