Bi kategoria
2020ko txapelketa bi kategoriatan jokatuko da: ohiko pilota goxoakoak jarraitzen du jarraitzailerik gehien izaten, 35 bikote izango dira, 70 pilotari, eta geroz eta parte hartzaile gehiago erakartzen ari den pilota mistokoan 12 bikote arituko dira lehen ekitaldi honetan.
Gipuzkoako pilotalekuetan
Txapelketa osoa Gipuzkoako pilotalekuetan jokatuko da. Ataun, Antzuola, Villabona, Deba eta Berastegik lehen aurrekanporaketak hartuko dituzte. Getarian eta Pasaian, final-laurdenetako partiduak izango dira, eta finalerdiak Beasainen, martxoaren 8an eta EITBren zuzeneko kamerekin, eta Elgoibarren, martxoaren 14an jokatuko dira. Finalak berriz, martxoaren 29an jokatuko dira Irunen eta berau ere EITB-tik jarraitzeko aukera izango da.
