'Goiena Gida'-ren 18.100 ale banatuko dira

Goiena papera jasotzen duten etxe guztietara helduko da, gaurtik. Aurten ere hiru ediziotan kaleratu dute: Oñati; Arrasate, Aretxabaleta, Eskoriatza, Leintz Gatzaga eta Aramaio; eta Bergara, Antzuola eta Elgeta.

Debagoieneko komertzio eta zerbitzuen gidarik osatuena eta eguneratuena da Goiena gida, eta, azken urteetan bezala, Internet bitartez kontsultak egiteko aukera ere eskainiko da, Goiena.eus/gida helbidera sartuta.

Mugikorretarako prest

Mugikorretan ere jarri nahi izan dute fokua, eta, hain zuzen, Goiena Komunikazio Taldeko zuzendari komertzial Mireia Larrañagak azaldu duenez, "mugikorretik kontsulta bat egiten duzunean, zuzenean bertara deitzeko aukera dago. Aspalditik hori eskaintzen genuen arren, gaur egun guztiz beharrezkoa da, Goiena.eus-en sartzen diren erabiltzaileen %65 mugikorretik sartzen baitira". Zerbitzu osoa Negozioen telefono eta helbideak eskaintzeaz gain, bestelako eduki batzuk ere jasotzen ditu gidak, hala nola 2020ko egutegia, bailarako herrietako jaien egutegia, intereseko beste telefono batzuen gida bat, guardiako farmazien egutegia, zaborren bilketarena ere bai, eta, duela bi urtetik, Debagoieneko desfibriladoreen kokalekuak ere ageri dira.

GOIENA KLUBEKO BAZKIDETZA %30 MERKEAGO

Goiena Komunikazio Taldeko hedabideek lehentasunezko mezenasgo jarduera izendapena dute. Ondorioz, Goiena Klubeko bazkide baldin bazara zerga onurak ezarriko zaizkizu Goienari egin diozun ekarpenarengatik.

Goiena Klubeko bazkidetza kuota %30 merkatuko zaizu errenta aitorpena egiterakoan.

BAZKIDE EGITEKO, DEI EGIGUZU: 943 25 05 05 edo egin klik hemen.


Zerga onurak izateko datuak bete