Jugger talde bakarra dago Gipuzkoan. Eibarko taldea da Arima Galduak, baina Bergaran entrenatzen dute gaur egun eta Elgetan bizi dira entrenatzailea eta presidentea, Jessica Ots eta Rousse Garcia.
Bi jugger talde daude Bizkaian, bat Araban eta beste bat Nafarroan. Jarduera zabaltzeko ahaleginetan ari dira eta Ots eta Garcia ikastetxez ikastetxe dabiltza juggeraren inguruko saioak egiten. "Jendea hartzeko prest gara. 12 urterekin has daiteke entrenatzen eta 15 urte behar dira txapelketetan parte harteko", adierazi du Otsek.
Hasi berria da jugger denboraldia eta Arima Galduak taldeko kideek abuztuan Berlinen jokatzekoa den mundialerako eman dute izena. Mundu osoko 116 talde omen daude izena emanda. Horiek ezagutu eta juggerraren inguruan gehiago ikasteko irrikaz joango dira Alemaniara.
Bien bitartean interesatuek San Martin ikastetxeko jolastokian aurkituko dituzte, domeketan, 11:30etik 13:30era.
