Alderdi gehienek apirilaren 28ko zerrendak errepikatuko dituzte domekan, bai Gipuzkoan eta baita Araban ere. Azken horretan, hamaika zerrenda aurkeztu dituzte. Izan ere, Escaños En Blanco-Aulki Zuria alderiak ez du zerrendarik aurkeztu Araban.
Herritarrek bi boto eman beharko dituzte. Gutun-azal zurian Kongresurako botoa sartu beharko da, eta laranja kolorekoan, Senaturakoa.
Apirileko hauteskundeetan EH Bildu izan zen boto gehien jaso zuen alderdia, 12.609 botorekin. EAJ izan zen bigarrena 12.055ekin; Elkarrekin Podemos hirugarrena, PSE-EE laugarrena eta PP bosgarrena.
GOIENAk jarraipen berezia egingo dio Espainiako Gorteetarako hauteskundeek ematen dutenari. Domekan bertan, Goiena.eus atarian unean uneko emaitzak emango dituzte, eta astelehena Hemen Debagoiena saioan, analisia egingo dute. Herritarren iritziak, politikoen balorazioak eta adituen esanak jasoko dituzte.
