"Erreferenduma kriminalizatu du Espainiako Auzitegi Gorenaren epai honek. Ez gaude ados. Erreferenduma tresna demokratikoa da, herri edo komunitate baten etorkizuna libre eta demokratikoki erabakitzeko balio duena. Etorkizuna erreferedum bidez erabakitzea eskubide demokratiko bat da", adierazi du Gure Eskuk eta horiekin bat egin dute herritarrek.
"Injustizia baten aurka, eta oinarrizko eskubideen alde bat eginik" mobilizatzeko deia izan da gaurkoa: "Erreferendumaren kriminalizazioaren aurka, eta herrien eskubide kolektiboen alde. Errepresioaren bidearen aurka, eta elkarrizketa eta konponbide politikoaren alde". Era berean, urriaren 19an, zapatuan, manifestazioa eginda Donostiako kaleak betetzeko nahia agertu du Gure Eskuk, "auziko presoen askatasunaren alde, oinarrizko eskubideen alde eta herrien eskubide kolektiboen alde. Kataluniarekin bat eginik".
