Zertxobait behera egin du Debagoieneko langabezia-tasak irailean

Maialen Regueiro 2019ko urr. 2a, 15:31

Langabezia-tasa %7,71koa izan da Debagoienean, iraila amaieran 2.403 pertsona daude lan gabe. Aurreko hileko datuekin alderatuta beraz, kopurua zertxobait jaitsi egin da –iraila hasieran 2.419 langabetu zeuden–.

Aurreko urteko garai berarekin alderatuta, %6,20 jaitsi da langabetu kopurua –2.563 pertsona zeuden lan gabe bailaran orduan–.

Herriei dagokienez, Antzuola, Aretxabaleta, Leintz Gatzaga eta Oñatin egin du gora langabeziak eta behera berriz, Arrasate, Bergara, Aramaion eta Eskoriatzan. Elgetan aurreko hileko datua mantendu egin da.

Datuak herriz herri

  • Antzuola: 70 langabe (%6,30eko langabezia tasa)
  • Aretxabaleta: 225 (%6,55)
  • Arrasate: 1.072 (%10,27)
  • Bergara: 522 (%7,22)
  • Elgeta: 36 (%6,24)
  • Eskoriatza: 138 (%6,79)
  • Leintz Gatzaga: 5 (%3,62)
  • Oñati: 319 (%5,87)
  • Debagoiena: 2.403 (%7,71)
  • Aramaio: 16 (%2,12)

Hego Euskal Herria eta Nafarroa

Guztira, 113.634 langabe daude Hego Euskal Herrian, aurreko hilabetearekin alderatuta, 2.444 pertsona gutxiago. 2018ko urriarekin alderatuta ere, %7,64 behera egin du langabeziak. Lurraldeka aztertuz, Bizkaian 1.490 langabe gutxiago zenbatu dituzte, Araban 586 gutxiago eta Gipuzkoan, 368 gutxiago.

Nafarroari dagokionez, %2,08 egin du behera langabeziak irailean, abuztuan baino 646 langabe gutxiago zenbatu dituztelarik. Modu horretan, bertan, 30.437 pertsona daude lan gabe. 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak