Irailaren 25era arte dago irekita izen-ematea, eta urriaren erdira arte datu zehatzik izango ez duten arren, jendea hurbiltzen ari dela adierazi du Elena San Martin Arrasateko udal euskaltegiko zuzendariak.
Izena eman dutenei ongi-etorria emateko, eta herritarren artean euskaltegira animatzeko dei gisa, Euskararekin match! izan da aurtengo kanpainarako aukeratu duten leloa, eta bideo dibertigarria ere egin dute sare sozialetan zabaltzeko. Ikasturtea hasteko egun gutxiren faltan, urtero moduan, formazio saioak ere egiten ari dira bailarako euskaltegietako arduradunak.
Euskaltegietan era eta maila guztietako eskaintzak dituzte, eta udal bakoitzak bere beka sistema ere badu. Horrez gain, HABEk ematen dituen diru-laguntzak jasotzeko aukera ere badago.