Irakurketa bestelakoa da, ordea, konparaketa aurreko urteetako hilabete berarekin eginez gero: egoerak hobera egin du iaztik hona, eta are gehiago 2017tik hona.
Herriei dagokienez, uztailetik abuztura, ia toki denetan igo da langabe kopurua. Antzuola, Elgeta eta Leintz Gatzaga dira salbuespenak; lehen bietan mantendu egin da eta hirugarrenean apur bat jaitsi.
| Abuztua | Uztaila | |
| Antzuola | 62 (% 5,58) | 62 (% 5,58) |
| Aramaio | 17 (% 2,25) | 14 (% 1,85) |
| Aretxabaleta | 219 (% 6,37) | 210 (% 6,11) |
| Arrasate | 1.087 (% 10,41) | 1.042 (% 9,98) |
| Bergara | 535 (% 7,40) | 509 (% 7,04) |
| Elgeta | 36 (% 6,24) | 36 (% 6,24) |
| Eskoriatza | 144 (% 7,09) | 127 (% 6,25) |
| Leintz Gatzaga | 3 (% 2,17) | 4 (% 2,90) |
| Oñati | 316 (% 5,81) | 307 (% 5,65) |
| Debagoiena | 2.419 (% 7,76) | 2.311 ( % 7,41) |
Berdin Hego Euskal Herrian ere
Debagoieneko errealitatea ez da salbuespenezkoa. Izan ere, Hego Euskal Herriko lau lurraldeetan egin du gora langabe kopuruak abuztuan; baina kasu horretan ere, iaz baino gutxiago dira.
Beatriz Artolazabal Eusko Jaurlaritzako Enplegu eta Gizarteko Politiketako sailburuak adierazi du jarduerak nabarmen egiten duela behera abuztuan eta ez dela, beraz, hilabete ona enpleguarentzat. Edozein kasutan, urtez urteko datuak positiboak direla gehitu du.