Urteak daramatza Bengoak Kataluniako artzain txakur txapelketetan parte hartzen eta ondorioz bertan biltzen diren artzainen artean duten harreman polita azpimarratu du.
Eder, euskal artzain txakur arrazakoa da eta zortzi urte beteko ditu urrian. Bengoak, kumea zela hartu zuen eta pixkanaka-pixkanaka pazientzia handiaz, artzain lanak erakutsi dizkio. Bengoak dio, Eder txakurra, deigarria egiten zaiela Katalunian, bere arraza dela eta, bertan parte hartzen duten txakurren gehiengoak border coliak direlako. Hori dela eta, arraza onenaren saria ere jaso izan du Ederrek eta aurtengoan berak ez badu lortu ere, berarekin joan den Fidel Alonso euskal artzainaren Bat txakurrak lortu du arraza onenaren saria.
Gipuzkoako Txapelketa domekan
Domekan, irailak 1, Gipuzkoako Artzain Txakur Txapelketa jokatuko da Legazpin. Bengoa txapelduna izan da lau urtez jarraian txapelketa honetan eta aurtengoan ere helburua lan ona egitea dela dio.
