Autoen salmentak %15,4 egin du behera ekainean EAEn

Amaia Zabala 2019ko uzt. 5a, 13:47

Iazko ekainean baino % 15,4 auto gutxiago matrikulatu dira aurtengo ekainean Euskal Autonomia Erkidegoan. Sehilekoari dagokionez, berriz, Euskal Autonomia Erkidegoan 20.912 ibilgailu matrikulatu dira aurten, 2018ko lehen seihilekoan baino %4,3 gutxiago.

Mikel Loiti, Txapime autoak eta Txapime tailerrakeko arduradunaren esanetan, beherakada hau Eusko Jaurlaritzak autoa erosteko emandako laguntzak amaitzearen ondorio da.

Nafarroaren kasuan beherakada handiagoa da, eta % 27,7jaitsi baita salmenta kopurua ekainean. Estatu osoko daturik esanguratsuena.

Estatu mailan, berriz, % 8,3 egin du behera autoen salmentak ekainean, auto ekoizleen esanetan azken zortzi urteetan izan den beherakadarik handiena.

Erregai motaren arabera, gasolina autoen salmentak % 3 egin du gora ekainean. Auto elektriko, hibrido, gas edo hidrogenozkoei dagokionez %20,13 egin du gora salmentak ekainean. Eta Loitik dio pixkanaka Txapimeko bezeroak ere hasi direla horrelako autoak erostera animatzen.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak