Energia berriztagarrien ataleko egitasmoak izan ditu hizpide Batzar Nagusietarako Deba-Urolako zerrendaburu Mikel Biainek. "Oñatiko Ur Jauziak erakundeen arteko elkarlanaren adibide garbi bat da. Bertako kapitalean parte hartzen dute Eusko Jaurlaritzak, Oñatiko Udalak eta duela urtebetetik baita Goiener kooperatibak ere. Uste dugu energiaren alorrean agertoki berri bat irekitzen ari dela eta nola ez energia berriztagarriek berebiziko protagonismoa hartuko dutela. Horren adibide da autokontsumoa erregulatzeko apirilean onartu berri den errege dekretua".
Bide horretan erakundeek "benetan" lagundu behar dutela adierazi du Biainek. "Gure ustez aukera handiak zabaltzen dira, eta zentzu horretan Foru Aldundiek konpromisoa hartu behar dute. EH Bildutik konpromisoa hartzen dugu foru gobernuan gaudenean autokontsumo energetikoa aurrera emateko partikularrei eta herritarrei bideratutako dirulaguntza lerroak ezarriko ditugula".
Bisita Oñatiko Ur Jauziak ezagutzeko
Agerraldia egin ostean Mikel Biainek Oñatiko Ur Jauziak udal enpresa erakutsi die gainerako hautetsiei. Nola sortu zen, zein bilakaera izan duen eta gaur egun nola kudeatzen den azaldu die.