Espainiako Gorteetarako hauteskundeetako parte hartzea % 59,97koa izan da EAEn, eta % 60,97koa Nafarroan 18:00etarako. 2016ko ekaineko hauteskundeekin alderatuta, % 9,5 inguruko gorakada izan da, Espainiako Barne Ministerioak jakinarazi duenez.
18:00etako parte hartzeari dagokionez, Gipuzkoan % 59,91koa izan da parte hartzea (% 49,88, 2016an). Bizkaian % 62,33ekoa izan da parte hartzea (% 53,03); Araban, % 51,80koa (% 48,52); eta Nafarroan, % 60,97koa (%51,77).
Estatuan parte hartzea % 60,64koa izan da 18:00etan. Katalunian % 64,20koa da parte hartzea 18:00etan, inoizko marka altuena ordu horretan, % 11,2ko igoerarekin.
Debagoieneko parte hartzea herririk herri (18:00etan)
- Antzuola: %65,03 (2016an %51,45)
- Aramaio: %60,39 (2016an %46,89)
- Aretxabaleta: %59,15 (2016an %44,23)
- Arrasate: %53,96 (2016an %42,43)
- Bergara: %63,65 (2016an %53,09)
- Elgeta: %62,65 (2016an %52,53)
- Eskoriatza: %58,24 (2016an %47,49)
- Leintz Gatzaga: %57,45 (2016an %50,53)
- Oñati: %59,70 (2016an %45,41)
14:00etako datuak
Estatu mailan erabakigarriak izango diren bozek ikusmin handia piztu dute Hego Euskal Herrian ere; igoerarik nabarmenena Gipuzkoan izan da. Bozkatzeko eskubidea duten herritarren %42,78k eman du botoa 14:00ak baino lehen. Hau da, 2016an ordu berean botoa eman zuen herritar kopurua baino %7,47 gehiago. Bizkaian, %5,21 egin du gora parte-hartzeak; Araban, %2,56; eta Nafarroan %5,79 egin du gora. Espainiako Estatuan, %4,5 handitu da, eta Katalunian egin du gora gehien parte hartzeak: %11.
