Estatu mailan erabakigarriak izango diren bozek ikusmin handia piztu dute Hego Euskal Herrian ere; igoerarik nabarmenena Gipuzkoan izan da. Bozkatzeko eskubidea duten herritarren %42,78k eman du botoa 14:00ak baino lehen. Hau da, 2016an ordu berean botoa eman zuen herritar kopurua baino %7,47 gehiago. Bizkaian, %5,21 egin du gora parte-hartzeak; Araban, %2,56; eta Nafarroan %5,79 egin du gora. Espainiako Estatuan, %4,5 handitu da, eta Katalunian egin du gora gehien parte hartzeak: %11.
Ilarak boto-paperak hartzeko
Normaltasuna izan da nagusi goizean zehar Debagoieneko hauteslekuetan. Hori bai, hautesleku batzuetan, Arrasateko Ferixalekuan kasu, ilara luzeak egin dira eguerdi partean.Boto-paperik gabe joan diren herritarren artean sortu dira ilarak, hain zuzen.
