Herritarrak hasi dira dagoeneko Bergarako bulegoan aitorpena egiteko hitzordua eskatzen. Aurreko urteko kanpainarekin alderatuz, aurten iaz baino 2.611 aitorpen gehiago espero dira, Aldundiak guztira 380.000 aitorpen aurreikusi dituelarik. Gainera gogoratu behar da herritarrek proposamena jaso ostean, onartu egin beharko dutela eta horretarako bi modu daudela, telefonoz edo internetez. Azkenik, Aldundiak herritarrak gonbidatu ditu aitorpena euskaraz egin dezaten. Izan ere, Aldundiaren arabera, gaur egun 74.000 gipuzkoarrek egiten dute Ogasunarekin harremana euskaraz eta helburua da 2022 urterako kopuru hori 100.000ra igotzea.