Gaur, 16:10an, jaso dute Larrialdi Zerbitzuek deia gorpu bat zegoela Deba ibaian esanaz. Arrasate eta Bergara artean dagoen Ekilore loradenda inguruan topatu dute 54 urteko emakumezkoa; arrasatearra, udaltzainen esanetan. Ur gainean, eskumako ertzean flotatzen zegoen. Suhiltzaileek atera dute ibaitik 18:30ak aldera. Patologia Zerbitzura eroango dutela gorpua adierazi dute Segurtasun Sailetik. Ertzaintza gertaera ikertzen ari da.
Aditzera eman dutenez, emakumeak ohitura zeukan erreka garbitzera irteteko eta atzotik desagertuta zegoen. Heriotzari ez diote kriminalitate zantzurik ikusten, auzi medikuaren lehen azterketaren ostean –buruan kolpea antzeman diote–, nahiz eta kasua ikertzen jarraituko duten.
Gorpua, ibaitik atera ostean, eta Ekilore aurrealdean bertan aztertu ostean, 19:30ean jaso dute, Patologia Zerbitzura, Donostiara, eroateko.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.