Elikagaien merkataritzako langileak "blokeoa salatzeko" kontzentratu dira LIDL eta BM aurrean

Imanol Beloki Unamuno 2019ko mar. 13a, 12:04

2016ko abenduaren 31n amaitu zen elikagaien industria eta merkataritzako Gipuzkoako hitzarmena. Patronalaren arteko eztabaidaketa gero, 2018ko apirilian lortu zuten negoziazioari hasiera ematea. Ordutik, "patronalak ez ditu" elikagaien merkataritzako langileen aldarrikapenak entzun, eta horregatik negoziaketan parte hartzen ari diren ELA, LAB, CCOO eta UGT-k deituta, elkarretaratzea egin dute Arrasaten LIDL eta BM aurrean.

Elikagaien merkataritzako langileek euren negoziazioa jasaten ari den blokeoa salatu dute gaur, Arrasateko LIDL eta BM aurrean egin duten agerraldian. Arrasatez gain, Gipuzkoako beste herri batzuetan ere egin dituzte agerraldiak: Irunen BM-n, Hernanin LIDL-en eta Oreretan Urkaben.

BM aurrean kontzentrazioa

 "Hasieratik, sindikatuok aurkeztutako plataformetako aldarrikapenei betoak besterik ez dizkie jarri. Ez dutela kontratazio minimoa adostu edo lanaldiak handitzeko prozedurarik nahi, aparteko orduen desagerpen edo mugatzeaz pentsatu ere ez, eta urteko lanaldiaren murriztea edo igande eta jai egunetako mugapenaz are gutxiago. Ez dute borondaterik. Alderantziz, langileria limurtu asmoz negoziaketa soldata igoeraz hitz eginez hasi nahi izan dute, gainontzeko aldarrikapenak albo batera utziko genituelakoan. Saindikatuok argi utzi ditugu gure marra eremu honetan ordea, eta noski, patronalak berearekin atera ez denez, negoziaketari denbora eman nahi dio", adierazi dute sindikatuetako ordezkariek.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak