Bergarako Udalak ez ditu Elgetako eta Antzuolako Udalek jarritako erreklamazioak onartu

Iazko azaroan, Elgetako eta Antzuolako alkateek erreklamazio formal bana jarri zuten Bergarako udaletxean: Agorrosingo oinarrizko kirol zerbitzuak erabiltzeagatik elgetarrek eta antzuolarrek bergararrek baino gehiago ordaindu beharraren kontra zeuden, eta hori jasotzen zuen ordenantza fiskalaren aurka jarri zuten erreklamazioa. Bada, etorri da erantzuna: Bergarako udalak ez du onartu ordenantza fiskalaren kontra jarritako erreklamazioa, eta behin betiko onartu ditu 2019ko ordenantza fiskalak.