Elikagai Bankua Euskal Autonomia Erkidegoan eta Nafarroan ari da bilketa egiten. Atzo ekin zioten lanari eta gaur dute kanpaina honetako bigarren eguna. Urteko kanpainarik garrantzitsuena da eta Debagoienean ere hainbat dira boluntario lanetan dihardutenak.
Atzo ekin zioten bilketari eta gaur ere supermerkatu atarietan dira herritarrei elkartasun deia egiteko. Ekarpena egiteko bi modu daude: galkorrak ez diren produktuak ematea edo bonuak erostea ekarpena dirutan eginez.
Bilketa atzo ondo joan zela adierazi dute. Egun garrantzitsuena, ordea, gaur da. Zapatuarekin bilketa handiagoa egiten dela esan dute.
Gipuzkoako Elikagai Bankuak iazko kopurua errepikatu nahi du aurten. Hau da, 663.974 kilo jasotzea. Kopuru horiekin, iaz 18.663 lagunengana iristeko aukera izan zuten.