Hastear da Debagoienean Paziente Bizia programaren ikasturte berria

Datorren astean hasiko du ikasturtea Debagoienean Osakidetzaren Osasun Eskolaren baitako Paziente Bizia programak. Edozein motatako gaixotasun kronikoa duten gaixoei edo haien zaintzaileei zuzendutako programa da, hainbat prestakuntza tailerrez osatuta dagoena. Aretxabaletan, Arrasaten eta Bergaran izango dira lehen tailerrak, eta plaza guztiak beteta daude. Gabonen ostean beste bi tailer egingo dituzte Arrasaten: diabetesaren ingurukoa bata, eta minbizia izan ostean bizitza osasuntsua izatearen ingurukoa bestea.