Bidaia espirituala, dantzaren bitartez...

Iñaki Beristain eta Bitoriano Gandiaga poetari eta frantziskotarrak gogoan, emanaldi hunkigarri bezain ederra eskaini zuen atzo Kukai dantza taldeak Arantzazun, Oñatz dantza taldearen laguntzarekin. Santutegia lepo beteta, bidaia espiritual baterako gonbita egin zien talde errenteriarrak ikus-entzuleei.

David Azurza eta Landarbaso abesbatza ere aritu ziren kantuan, eta Iñaki Salvador piano jotzailearen lana ere ezinbestekoa izan zen. Pello Zabala ere hartu zuen parte emanaldian. Gandiagaren poesia plazaratu zuen franziskotarrak, izan ere, poeta bera hil ostean argitaratutako liburu batek ematen dio izenburua ikuskizunari: Adio.

Donostiako Hamabostaldiaren baitako emanaldia izan zen atzokoa.